-Almmuhus-
OĐĐASATSámis almmuhan beali eambbo girjjiid

Sámis almmuhan beali eambbo girjjiid

-

-

Jagis 2020 doarjjui Sámediggi 89 girjealmmuheami, dat lea 45 eambbo go 2019:s, dalle doarjjui 44 almmuheami.

Sámedikkis lea ortnet mas sáhttá ohcat doarjaga sámi girjjálašvuođa váste, ja dat doarju sihke čáppa- ja fágagirjjálašvuođa. Dasa lassin ožžot vihtta sámi lágádusa njuolggodoarjaga sámi girjjálašvuođa almmuheapmái ja doibmii, čuožžu Sámedikki preassadieđáhusas.

Sámediggeráđđi Henrik Olsen (NSR) lea hirbmat duhtavaš go girjealmmuhemiid logut leat duppalastojuvvon jagis.

– Mii leat hirbmat duhtavaččat go leat nagodan almmuhit eanet sámegiel girjjálašvuođa mánáide, nuoraide ja rávisolbmuide. Dat lei deháleamos mihttomearri girjjálašvuođastrategiijain maid almmuheimmet jagis 2018, mas maiddái sámegielaid geavaheami nannen lei dehálaš mihttomearrin, dadjá Olsen preassadieđáhusas.

-Almmuhus-