Sámiráđđi ohcá evttohasaid geat dán jagi ánssašit oažžut gudnebálkkašumi.
Sámiráđđi lea ohcamin evttohasaid gii Sámiráđi gudnebálkkašumi galggašii oažžut. Gudnebálkkašupmi addo olbmui, organisašuvdnii, searvái dahje lágádussii, mii áŋggirda sámi álbmoga buorrin ja danin ánssáša gudnebálkkašumi.
Bargu sáhttá leat ovdamearka dihte dakkár, mii:
Nanne sámi álbmoga oktiigullevašvuođa ja oktasašvuođa.
Veahkeha sámiid gáhttet árbevieruid, eallinvuogi, jurddašanvuogi, giela ja eará vuoiŋŋalaš árbevieru.
Veailluha ja ovddida bajábeal namuhuvvon diliid maiddái ođđaáigge servodagas.
Gudnebálkkašupmi geigejuvvo Sámiid 21. konferenssas 2017 ja maŋimuš beaivi evttohit Sámiráđđái evttohasa gudnebálkkašupmái lea golggotmánu 10. beaivvi.
