-Almmuhus-
KULTUVRA Sámiráđđi bovde čállingilvui

Sámiráđđi bovde čállingilvui

-

-

Gilvu lea gaskal 6- ja 30-jahkásaš sámi mánáide ja nuoraide. Oktiibuot 100 000 ruvnno ovddas leat bálkkašumit ja buoremus čállosat almmuhuvvojit.

Sámiráđđi lea sádden preassadieđáhusa čállingilvvu birra. Preassadieđáhusas čállet sii ahte čállosat galget man nu sámegillii čállojuvvon, ja čálli oažžu ieš válljet das hámi. Sáhttá leat novealla, dikta, ráhkisvuođačálus, issorasčálus, ráidogova, máinnas, muitalus, duohta dáhpáhus, fáktateaksta dahje mii nu áibbas eará. Nuoramusat sáhttet sárgut jus govvateaksta lea sámegillii.

– Mun lean nu ilus go mii sáhttit fállat dákkár vejolašvuođa iežamet mánáide ja nuoraide dál go lea riikkaidgaskasaččat eamiálbmogiid gielaid jahki. Sávan ahte gilvut hástala ja movttiidahttá sin čállit sámegillii, dadjá Sámiráđi várrepresideanta Christina Henriksen preassadieđáhusas.

Čállingilvu nohká 17.11.2019 gaskaija áigge ja galgá PDF hámis ja eanemusat njeallje siiddu. Čálus galgá sáddejuvvot gollegiella@saamicouncil.net e-poastačujuhussii ja mielddusin fertejit maid leat oktavuođadieđut ja čálli namma.

- Advertisement -
-Almmuhus-