Jagi 2015 juhkkojuvvui Sámiid Duodji bálkkašupmi vuosttaš geardde ovtta áŋgiris mearrasámi duojárii. Gii son boahtte jagi ánssáša vuoitit? Álbmot beassá evttohit.
Jagi 2015 juhkkojuvvui Sámiid Duodji bálkkašupmi vuosttaš geardde ovtta áŋgiris mearrasámi duojárii. Gii son boahtte jagi ánssáša vuoitit? Álbmot beassá evttohit.
— Dainna bálkkašumiin lea mis jurdda váldit vára ja čájehit ahte beroštit sámi duojárin geat leat mielde ovdánahttime sámi duoji, lohká Sámiid Duodji miellahttu Solveig Johannessen. Álbmot beassá leat mielde mearrideami gii ánssáša vuoitit.
— Boahtte bálkkašupmi juhkkojuvvon boahtte Sámiid Duodji riikačoahkkimis cuoŋománu dahje miessemánu 2016:is. Jus bohtet evttohusat, de mii juohkit bálkkašumi de maid. Boahtte jagi mun doaivvun ahte lea ain seamma vuoitu go dán jagi, 10.000 ruvdno ja diploma, čilge Johannesen.
Ánssášii vuoitit
Son gii vuittii bálkkašumi dán jagi lea Mary Mikalsen Trollvik, 80-jáhkkasaš mearrasámi duojár Olmmáivákkis eret.
— Son lea bargan nu olu ovdánahttit mearrasámi duoji. Son lea maid leamaš mielde vuođđudeamen Sámiid Duodji, ja son lea leamaš miellahttu Sámiid Duodjis álggu rájes juo. Dat čájehuvvui áigá juo ahte son dat ánssáša vuoitit min vuosttaš bálkkašumi, lohká Johannessen.
Ii lean vuordán vuoitit bálkkašumi
— Mun in ipmirdan in jurddašit ge ahte mun dat vuoittán bálkkašumi. Dat lei hui suohtas vuoiti. Mun dihten gal ahte bálkkašupmi galggai juhkkojuvvot, muhto in lean goasse jurddahan ahte mun dat vuoittán, lohká duhtavaš Mary Mikalsen Trollvik gii miessemánus vuittii 10.000 ruvnno ja diploma. Son ii leat vel áibbas mearridan masa áigu vuoittu geavahit, muhto diehtá gal ahte ruhttá galgá mannat duodjái.
— In leat vel geavahan vuoittu, muhto lean jurddašan ahte go galggan geavahit, de gal manna ruhttá duodjái, muitala son. Vaikko sus eai leat šat liikka ollu návccat duddjot dál go ovdal, de dat aŋkke movttiidahtte oažžut dakkár bálkkašumi. Vaikko mus eai leat šat nu olu návccat go ovdal go mun lean juo 80 jagi, de mun aŋkke dagan dan maid sáhtán ja nagodan, lohká Trollvik loahpas.