Internašunála Sámi Filbmainstituhtta ovttas Tråante 2017:in bovde ávvučájálmassii mas čájehuvvo Amanda Kernell filbma Saemien vïrre/Sameblod.
Saemien vïrre filmma lea Nordisk Film Production buvttadan ja filbma rahpá Tråante 2017 ávvudoaluid guovvamánu viđa beaivvi NOVA kinos Troandimis, gosa bovdejuvvon guossit ja earát leat bures boahtimat.
Vissis meari bileahtat biddjojit vuovdimassii skábmamánu 21. beaivvi rájes.
Vuoitán bálkkašumiid
Amanda Kernell lea filmmainis lávken internašunála filbmalávdái earenoamáš olahusaiguin.
Son lea juo vuoitán bálkkašumiid sihke Venezia filbmafestiválas ja aiddo Tokyo filbmafestiválas, gos maid váldoneavttár Lene Cecilie Sparrok vuittii bálkkašumi buoremus nissonneaktimis.
Filbma lea ávvuduvvon miehtá máilmmi stuora filbmamagasiinnain ja A-filbmafestiválaid čájehemiin.
Boahtá ruoktot
Internašunála Sámi Filbmainstituhttii lea mávssolaš ahte Saemien Vïrre boahtá «ruoktot» Lulli-Sámi guvlui maiddái sámi gehččiid lusa, dakkár gudneávvudeapmái go Tråante 2017.
Dát lea vuosttaš Lulli-Sámi guhkesfilbma ja dasa lassin lea nissonolmmoš bagadallan filmma.
