Dál lea fas dat áigi go ođđa gohččumat máksit vuojániid jahkedivada bohtet olbmuide. Guovdageainnus leat eanemus vuojánat main ii leat mákson divat.
Dál lea fas dat áigi go ođđa gohččumat máksit vuojániid jahkedivada bohtet olbmuide. Guovdageainnus leat eanemus vuojánat main ii leat mákson divat.
Davvi-Norggas leat 14 100 olbmo geat eai leat máksán jahkedivada vuojána ovddas, ja dál lea Vearroetáhta sádden muittuhusa olbmuide geat eai leat máksán.
Riikadásis leat 132 000 vuojána main váilu máksu ja mat sáhttet dan dihte šilttaid massit. Leat sullii seamma ollugat dán jagi geat eai leat máksán jahkedivada go diibmá.
Guovdageaidnulaččain eanemus vuojánat main váilu máksu
Sámi suohkaniin leat 1245 vuojána maid ovddas váilu máksu.
Porsáŋggus leat ollislaččat eanemus vuojánat (5133) dain sámi suohkaniin ja leat 266 vuojána main váilu máksojuvvon divat.
Guovdageainnus leat eanemus vuojánat main váilu máksu. 4 182 vuojánis váilu 279 vuojánis máksu. Vaikko leat eanet vuojánat main váilu máksu, de leat gáibádusat badjel 13 000 ruvnno unnit go Porsáŋggus.
Ravrvihkes leat 606 vuojána, mii lea unnimus vuojánlohku sámi suohkaniid gaskkas. Doppe leat 33 vuojána main váilu máksu.
Vearroetáhta ođđa doaimmain
Dán jagi lea vuosttaš geardde go Vearroetáhta doaimmaha jahkedivadiid vuojániid ovddas, ja lea vuosttaš geardde go Vearroetáhta addá dieđu ahte sáhttá massit šilttaid jus ii mávsse divada áigemearis.
Buohkat, geat mákset maŋŋel vuosttaš áigemeari, mii lei njukčamánus, šaddet máksit lassivearu mii lea 250 dahje 50 ruvnno. Go máksingáibádusa leat máksán de sihkku Vearroetáhta gáibádusa šilttaid váldit.
Jus bissehalat vuojedettiin, de sáhtát máksit jahkedivada, lassidivada maŋŋoneami dihte ja lassidivada ovttatmano go bissehalat. Jus váldet šilttaid ja biillaeaiggát háliida daid fas ruovttoluotta, de šaddá vel Stáda geaidnodoaimmahahkii máksit šiltabidjandivada, mii lea 1460 ruvnno.
Čakčamánus gáibišgoahtá Stáda geaidnodoaimmahat bákkus mávssuid sis geat eai leat máksán.
SÁMI SUOHKANAT FINNMÁRKKUS:
| Suohkan | Galle vuojána leat | Man ollu gáibiduvvo | Vuojána main váilu máksu | Man ollu máksu váilu |
| GUOVDAGEAIDNU | 4 182 | 7 547 875,00 ruvnno | 279 | 463 198,60 ruvnno |
| KÁRÁŠJOHKA | 3 258 | 6 224 505,00 ruvnno | 178 | 301 675,00 ruvnno |
| DEATNU | 3 787 | 7 644 835,00 ruvnno | 159 | 294 167,00 ruvnno |
| PORSÁŊGU | 5 133 | 9 998 855,00 ruvnno | 266 | 476 504,00 ruvnno |
| UNJÁRGA | 1 181 | 2 390 505,00 ruvnno | 49 | 81 920,00 ruvnno |
EARÁ SÁMI SUOHKANAT (ROMSA, NORDLÁNDA JA DAVVI-TRØNDELÁGA):
| Suohkan | Galle vuojána leat | Man ollu gáibiduvvo | Vuojána main váilu máksu | Man ollu máksu váilu |
| GÁIVUOTNA | 2 316 | 5 060 790,00 | 103 | 184 517,00 |
| LOABÁT | 981 | 2 380 125,00 | 46 | 113 225,00 |
| DIVTTASVUOTNA | 1 472 | 3 837 505,00 | 68 | 156 012,00 |
| SNÅASA | 2 446 | 4 991 695,00 | 65 | 122 192,00 |
| RAVRVIHKE | 606 | 1 138 030,00 | 32 | 53 980,00 |
