Dán jagi goalmmát kvártala lea sámi suohkaniid olmmošlohku njiedjan 76 olbmuin. Dássážii dán jagi lea sámegielaid hálddašanguovllu olmmošlohku njiedjan 0,70 proseanttain.
Statistihkalaš guovddášdoaimmahaga logut čájehit ahte sámi suohkaniin njiejai olmmošlohku 2022 goalmmát kvartálas. Oktiibuot njiejai olmmošlohku 76 olbmuin dahje 0,24 proseanttain ovddit kvartála ektui.
Sámegielaid hálddašanguovllus ásset dál 32 041 olbmo. Jahkemolsuma rájes lea olmmošlohku njiedjan oktiibuot 0,70 proseanttain.
Eanemus njiedjan
Sámegielaid hálddašanguovllus leat 12 suohkana, ja čieža suohkanis njiejai olmmošlohku mannan kvartála.
Hápmiris njiedjá olmmošlohku eanemusat, mannan áigodaga njiedjá olmmošlohku 22 olbmuin dahje 0,89 proseanttain. Dássážii 2022:s lea olmmošlohku njiedjan 1,51 proseanttain, ja dat lea nubbin eanemusat buot sámi suohkaniin.
Dássážii dán jagi lea Raarvihkes njiedjan olmmošlohku eanemusat, namalassii 2,04 proseanttain. Mannan áigodaga njiejai olmmošlohku 0,69 proseantta.
Muđui njiedjá olmmošlohku mannan áigodaga maiddái Unjárggas, Deanus, Porsáŋggus, Guovdageainnus ja Dielddanuoris.
Lassáneapmi
Viđa sámi suohkanis ges lassána olmmošlohku. Mannan kvartálas lassánii olmmošlohku eanemusat Aarporte suohkanis, olmmošlohku lassánii logi olbmuin, dahje 0,78 proseanttain. Aarportes lea maid muđui eanemus lassáneapmi dán jagi, namalassii 1,41 proseantta.
Loabágis lassánii olmmošlohku golmma olbmuin, dahje 0,31 proseanttain. Suohkanis lea jahkemolsuma lassánan olmmošlohku 0,82 proseanttain.
Kárášjogas lei maid olmmošlaskan mannan kvartála, olmmošlohku lassánii čiežain olbmuin, dahje 0,27 proseanttain. Jus geahččá obbalaččat Kárášjoga olmmošlogu 2022 ovddas, de lea dattege olmmošlohku dássážii njiedjan -1,16 proseanttain.
Gáivuonas, Snåases ja Rossenis lea maid olmmošlohku lassánan mannan áigodaga.
Sámi suohkaniid olmmošlohku 2022:
Rossenis ásset oktiibuot 5574 olbmo. Mannan áigodaga lassánii olmmošlohku ovttain olbmuin, dahje 0,02 proseanttain. Dássážii dán jagi lea olmmošlohku lassánan 0,04 proseanttain.
Snåases ásset oktiibuot 2021 olbmo. Mannan áigodaga lassánii olmmošlohku ovttain olbmuin, dahje 0,05 proseanttain. Dássážii dán jagi lea olmmošlohku njiedjan 0,59 proseanttain.
Raarvihkes ásset oktiibuot 432 olbmo. Mannan áigodaga njiejai olmmošlohku golmmain olbmuin dahje 0,69 proseanttain. Dássážii dán jagi lea olmmošlohku njiedjan 2,04 proseanttain.
Aarportes ásset oktiibuot 1291 olbmo. Mannan áigodaga lassánii olmmošlohku logiin olbmuin, dahje 0,78 proseanttain. Dássážii dán jagi lea olmmošlohku lassánan 1,41 proseanttain.
Hápmiris ásset oktiibuot 2667 olbmo. Mannan áigodaga njiejai olmmošlohku 22 olbmuin, dahje 0,89 proseanttain. Dássážii dán jagi lea olmmošlohku njiedjan 1,51 proseanttain.
Dielddanuoris ásset oktiibuot 4164 olbmo. Mannan áigodaga njiejai olmmošlohku 15 olbmuin, dahje 0,36 proseanttain. Dássážii dán jagi lea olmmošlohku njiedjan 0,88 proseanttain.
Loabágis ásset oktiibuot 978 olbmo. Mannan áigodaga lassánii olmmošlohku golmmain olbmuin, dahje 0,31 proseanttain. Dássážii dán jagi lea olmmošlohku lassánan 0,82 proseanttain.
Gáivuonas ásset oktiibuot 1994 olbmo. Mannan áigodaga lassánii olmmošlohku guvttiin olbmuin, dahje 0,10 proseanttain. Dássážii dán jagi lea olmmošlohku njiedjan 0,89 proseanttain.
Guovdageainnus ásset oktiibuot 2863 olbmo. Mannan áigodaga njiejai olmmošlohku 20 olbmuin, dahje 0,69 proseanttain. Dássážii dán jagi lea olmmošlohku njiedjan 0,49 proseanttain.
Porsáŋggus ásset oktiibuot 3851 olbmo. Mannan áigodaga njiejai olmmošlohku 19 olbmuin, dahje 0,49 proseanttain. Dássážii dán jagi lea olmmošlohku njiedjan 1,36 proseanttain.
Kárášjogas ásset oktiibuot 2554 olbmo. Mannan áigodaga lassánii olmmošlohku čiežain olbmuin, dahje 0,27 proseanttain. Dássážii dán jagi lea olmmošlohku njiedjan 1,16 proseanttain.
Deanus ásset oktiibuot 2796 olbmo. Mannan áigodaga njiejai olmmošlohku 20 olbmuin, dahje 0,71 proseanttain. Dássážii dán jagi lea olmmošlohku njiedjan 0,89 proseanttain.
Unjárggas ásset oktiibuot 856 olbmo. Mannan áigodaga njiejai olmmošlohku ovttain olbmuin, dahje 0,12 proseanttain. Dássážii dán jagi lea olmmošlohku lassánan 0,23 proseanttain.
Gáldu: Statistihkalaš guovddášdoaimmahat
