Dál nogai Suoma vuorru jođihit Sámi parlamentáralaš ráđi ja Suoma beale Sámedikkepresideanta geigii jođihanválddi Norgga beale Sámedigge presidentii Aili Keskitaloi.
Dál nogai Suoma vuorru jođihit Sámi parlamentáralaš ráđi ja Suoma beale Sámedikkepresideanta geigii jođihanválddi Norgga beale Sámedigge presidentii Aili Keskitaloi.
Sámi parlamentáralaš ráđđi čoahkkinastii Anáris Suoma beal Sámedikkis, Sajosis, Anáris, duorastaga, čakčamánu 22. beaivvi .
Dál nogai Suoma vuorru jođihit Sámi parlamentáralaš ráđi ja Suoma beale Sámedikkepresideanta geigii jođihanválddi Norgga beale Sámedigge presidentii Aili Keskitaloi.
– Lean hui ilus go dál lea fas Norgga beale Sámedikki vuorru jođihit SPRa, erenoamážit go deaivá velá leat dalle go ávvudat Tråante 2017. Mii beassat bovdet eará sámedikkiid oktasaš čoahkkimii guovvamánu guđát ja čihččet beaivái, lohká SPR ođđa presideanta, Aili Keskitalo.
Duogáš SPRii
Sámi parlamentáralaš ráđđi (SPR) lea Norgga, Ruoŧa ja Supma ovttasbarganorgána mii ásahuvvui jagi 2000.
Vuosttaš SPR presideanta lei Norgga beal Sámedikke presideanta Sven-Roald Nystø.
SPR jođiheapmi jorrá vuoruid mielde dán golbma Sámedikki gaskkas.
Ruošša beal sápmelaččain ii leat sierra álbmotválljejuvvon orgána, muhto SPR mielas lea dehálaš sii maid lea mielde ovdánahttimin iežaset giela, kultuvrra ja servodateallima.
Dehálaš SPRii lea oktasaš davviriikkaid giellabargu ja ráđis lea ovdasvástádus oktasaš sámi giellalávdegoddái.
SPR bargá maid Barentsovttasbargguin, Arktalaš ráđiin, Interreg ja eamiálbmotáššiin Ovtastahttojuvvon Našuvnnain.
Ráđis leat 15 miellahttu, Norggas lea vihtta, Ruoŧas njeallje, Suomas njeallje ja Ruoššas guokte lahttu.
