Dán vahkkus leat Sámi ofelaččat, geat nammaduvvojedje mannan geasi, álgán johtit skuvllaid mielde. Sin bargun lea Norgga nuoraide muitalit sámiid birra.
Sámi ofelaččat Nathaniel Holan Larsen (20), Ane Malene Nordeng (23), Ida Emilie Marakatt Lindseth (19) ja Emma Elliane Oskal Valkeapää (21) leat čavčča gazzan oahpu sámi kultuvrra ja servodatoahpus Sámi allaskuvllas.
Sin bargun lea mátkkoštit miehtá Norgga ja muitalit skuvlaohppiide sápmelaččaid birra. Maŋŋebárgga gallededje Amalie Skram joatkkaskuvlla Bergenis. Sámi ofelaččat leat illudan vuolgit johtit skuvllaid mielde.
– Lea miellagiddevaš oaidnit maid nuorat Norggas dihtet sámiid birra. Mii áigut oahpahit ohppiide iežamet kultuvrra ja historjjá birra, ja maid sámi nuoraidkultuvrra birra, dadjá Ane Malene Nordeng preassadieđáhusas.
