-Almmuhus-
-Almmuhus-
MÁNÁT JA NUORAT Sámi ofelaččat álggahan mátkki

Sámi ofelaččat álggahan mátkki

-

-

Dál leat sámi ofelaččat gergosat galledišgoahtit joatkkaskuvllaid miehtá Norgga. Golggotmánu 22.beaivve lei sis vuosttaš logaldallan Oslo stuorámus joatkkaskuvllas Kubenis.

Aina Haugom Nordfjell, Håkon Mudenia, Maila Risten Bongo Dikkanen ja Inga Máret Solberg Åhrén illudit go dál viimmat besset vuolgit mátkkoštit.

– Mii leat gal veahá balus ovdal vuosttaš logaldallama, muhto šaddá hui somá viimmat boahtit johtui dáinna bargguin, dadjet sámi ofelaččat preassadieđáhusas.

Sámi ofelaččat

Dán vahkku leat sii buot njealjis fárrolaga Oslos, ja galget disdaga, gaskavahkku ja duorastaga  fitnat Oslo stuorámus joatkkaskuvllas Kubenis.

Sámi ofelaččat ortnet álggahuvvui 2004:s. Erna Solberg, gii dalle lei gielddaministtar, fuomášii álggahit dán ortnega. Sámi ofelaččat mátkkoštit miehtá Norgga ja logaldallat sámi historjjá, servodaga ja kultuvrra birra. Ofelašdoaibma galgá addit nuoraide dáža skuvllain deaivvadanbáikki sámi servodagas sámi nuoraid bokte.

- Advertisement -
-Almmuhus-