Boahtte mánus, golggotmánu 7.-9. beivviid lea vejolaš searvat nuoraidseminárii, NSR-riikačoahkkimii ja grafittibargobádjái Álttás.
Boahtte mánus, golggotmánu 7.-9. beivviid lea vejolaš searvat nuoraidseminárii, NSR-riikačoahkkimii ja grafittibargobádjái Álttás.
7.-9. beivviid golggotmánus lea vejolaš searvat nuoraidseminárii, NSR-riikačoahkkimii ja grafittibargobádjái Álttás, gos beassa deaivvadit sihke Sámediggepresideanttain Aili Keskitaloin ja gründárguoktáin Lars Theodor Kinteliin ja Karine Pederseniin.
– Movt háliidat don ahte boahtteáigi Sámis galgá leat? Háliidivččet go váikkuhit vejolašvuođaid bargguide ja eallinvugiide? Duojár dahje vuoktačuohppi, boazodoalli dahje rehketdoalli, guolásteaddji dahje doavttir?, leat gažáldagat mat digaštallojuvvot seminaras.
Dávjá digaštallojuvvojit hástalusat mat Sámis leat odne, ja dávjá vajálduvvojit buot vejolašvuođat mat leat.
Vai leat go don sámi boahtte grafittidáiddár?
De lea vejolaš oassálastit street art-bargobádjái mii lágiduvvo ovttas Arktisk Grafittiin.
Norgga Sámiid Riikasearvi lea kulturpolitihkalaš organisašuvdna ja politihkalaš áŋgiruššan dáidaga bokte lea dehálaš oassi demokratiijas ja servodatdigaštallamis. Anders Sunna, Linda “Zina” Aslaksen, ja Nicolai Lopéz Arktisk Grafittis leat veahkehan ivdnet ja hábmet.
