-Almmuhus-
-Almmuhus-
OĐĐASATSámi nieida gearggus čiekčat Høne­foss BK ovddas

Sámi nieida gearggus čiekčat Høne­foss BK ovddas

-

-

Ovddeš FA Sápmi čiekči Louise Normann (25) lea 2018:s rájes čiekčan Stabæk joavkkus, dál lea lonuhan joavkku ja gearggus čiekčat ođđa joavkkuin.

Louise Normann gii ovdal lea ovddastan FA Sámi, lea dál vuolláičállái šiehtadusa Hønefoss spábbačiekčanjovkui guovtti jahkái. Normann gii lea Finnsnesas, Leaŋgáviikka gielddas, eret čievččai vuosttas geardde bajimus ráidočiekčamis Medkila joavkkuin Vålerenga vuostá 2015:s.

Jođiheaddji rámida su

Louise čiekčá dál 1. divišuvnnas Hønefoss BK nissonjoavkku ovddas.

– Louise lea hirbmat buorre čiekči geas leat olu vásáhusat, ja maiddái earálágan čiekči go dat geat mis juo leat. Sus leat olu vásáhusat ja dan geažil buktá ge son sihke fámu ja čiekčanáddejumi jovkui, muitala Hønefoss BK beaivválaš jođiheaddji Knut Emil Kolstø. 

Kolstø muitala ahte proseassa oažžut sámi nieidda jovkui lea mannan álkit.

– Louises ii lean šiehtadus eará joavkkuin, finai min luhtte vahkku geahččaladdamin ovdal go šiehtadusa čálii minguin guovtti jahkái.

Áddejupmi manin lonuhii joavkku

– Louise Normann čievččai 57 čiekčama vuosttaš joavkkus min luhtte, dan rájes go sirddii deike Lyn čiekčanjoavkkus. 15 čiekčama ledje vuosttaš divišuvnnas, ja dat eará čiekčamat ges bajimuš ráidočiekčamis, muitala Stabæk nissonjoavkku váldohárjeheaddji Per Inge Jacobsen.

Son muitala ahte Normann lei mielde Stabæk joavkkus 2021:s, muhto ii leat leamašan mielde 2022:s.

– Lea dieđusge váivi massit buori olbmo joavkkus, muhto lea áddejupmi ahte Louise dárbbaša eambbo čiekčanáiggi go dan maid sáhtiimet fállat sutnje Stabækas. Hønefoss lea buorre searvi, gos dovdá sihke hárjeheaddji ja dan buori čiekčan vuogádaga, dadjá Jacobsen.

Ávvir ii leat ožžon Louise Normanna ságaide áššái.

-Almmuhus-