-Almmuhus-
-Almmuhus-
SMÁVVAOĐĐASATSámi magasiidna gáibiduvvon reastaluvvat

Sámi magasiidna gáibiduvvon reastaluvvat

-

-

Sámi magasiinna beaivválaš jođiheaddji Jan Skoglund Paltto lohká leat šaddan gáibideaddji dillái.

Ovddeš bargi lea gáibidan Isámi. Press AS fitnodaga mii earret eará buvttada Sámi magasiinna, reastaluvvat. Sámi magasiidna ásahuvvui 2017:s sorjjasmeahttun ja friija sámi mediafitnodahkan. Mediabearráigeahčču juolludii dalle 11 920 122 kruvnna preassadoarjjan, muhto lea maŋit áiggi gáibidan fitnodaga máksit ruovttoluotta 4 400 000 kruvnna go Mediabearráigeahčču oaivvilda ahte Sámi magasiidna ii leat almmuhuvvon 48 geardde jahkái nu ahte luvvešii preassadoarjaga, čállá Finnmark dagblad.

Norggas máksá 60 000 kruvnna gáibidit fitnodaga reastaluvvat, muhto ii mávsse maidege jus áššečuoččuheaddji oaivvilda ahte fitnodat ii leat máksán sutnje bálkká, dán vuoru Isámi. Press AS. 

ABC-Company E-skuvla AS oamasta 94 proseantta Isámi. Press AS ossosiin ja Kirsi Paltto ja Jan Skoglund Paltto oamasteaba guktot beali das. iFinnmark.no aviisii lohká Jan Skoglund Paltto ahte lea šaddan gáibideaddji dillái go Mediabearráigeahčču lea gáibidan ruđaid ruovttoluotta máksot. Áššečuoččuheaddji lohká ahte son ii háliit maidege jienádit dán áššis.

Sis-Finnmárkku ja Nuorta-Finnmárkku diggegoddi meannuda ášši suoidnemánu viđát beaivvi Deanus. 

-Almmuhus-