-Almmuhus-
OĐĐASAT Sámi konfir­mašuvdna­leaira maŋi­duvvo 

Sámi konfir­mašuvdna­leaira maŋi­duvvo 

-

-

Ruoŧa beal sámi stuora konfirmašuvdnaleaira Burträskkas Västerbottenis láve čohkket olu olbmuide olles Sámis. Dal maŋiduvvo leaira koronadávdda dihte. 

Dan muitala muitala prošeaktajođiheaddji Ruoŧa girkus Kristina Sundin.

Ruoŧa beal sámis láve juohke jagi geassemánus lágiduvvot guokte vahkkosaš sámi konfirmašuvdnaleaira Burträskas sámi nuoraide. De láve loahpahit stuora doaluin konfirmatiovnna loahpageažis geassemánu.

Dan jagi ledje 60 nuora searvame muhto dal maŋiduvvo leaira koronadávdda dihte dadjá Ruoŧa girku prošeaktajođiheaddji Kristina Sundin. 

Dieđihan váhnemiidda 

Ruoŧa girku prošeaktajođiheaddji Kristina Sundin čilge ahte sii leat addán dal dieđu buot nuoraide, váhnemiidda ja jođiheddjiide ja son lohká ahte lea erenomáš áigi mas mii eallit dal.

– Min fertet váldit ovddusvástádusa nuppiide. Edelviika Álbmotskuvla ja Ruoŧa girku Luleju searvegoddi leat ovttas mearridan ahte ii lea vejolaš lágidit dan konfirmašuvdnaleairra dego eará jagiid go lea koronadávda dal. 

Prošeaktajođiheaddji Ruoŧa girkus Kristina Sundin lohká ahte eai heaittit doaluid muhto sirdet daid.

– Muhto mii eat heaittit leairra muhto geahččalit sirdit dan ja buot konfirmánttat leat ain dieđihuvvon leirii ja de min oaidnit mot dilli rievdá ovddosguvlui. De mii sáhttit mearridit jus lea vejolaš geahččat eará čovdosiid lohká Ruoŧa girku prošeaktajođiheaddji Kristina Sundin.

- Advertisement -
-Almmuhus-