-Almmuhus-
-Almmuhus-
SMÁVVAOĐĐASATSámi juovla­lágideamit Oslos

Sámi juovla­lágideamit Oslos

Journalista

-

-

Juovladovddut gal dáidá badjánit go Oslo Sámiid Searvi vuos lágida juovlamárkaniid ja de Kajsa Balto doallá juovlakonseartta boahtte lávvordaga, skábmamánu 19. beaivvi. 

Silba-, datne- ja čoarveduojit, girjjit, bohccobiergu ja maiddái sámi ođđaáigásaš hábmenbuktagat fállojuvvojit juovlamárkaniin. Ja dan lassin fállet maid biđđosa. 

Juovlamárkanat lágiduvvojit Oslo Sámeviesus iđđedis beal viđa rádjái. 

Seamma eahkeda doallá Kajsa Balto «Sámi juovllat»-konseartta Riikalávddis.  

«Sami Christmas – Sámi Juovllat» lea Kajsa Balto goalmmát álbuma ja dan almmuhii diibmá. 

Álbuma oaččui buriid árvosániid earet eará Norgga dáčča áviissain nu go Dagsavisenis ja Aftenpostenis.  

– Kajsa Balto ealaskahttá juovlamusihka iežas «Sami Christmas – Sámi Juovllat» -skearruin, mii cuvke rájaid, čálii Dagsavisen

– Son ráhkadii jagi fiidnámus juovlaálbuma, čálii Aftenposten diibmá go árvvoštallái Kajsa Balto juovlaálbuma. 

-Almmuhus-