-Almmuhus-
-Almmuhus-
-Almmuhus-
SMÁVVAOĐĐASATSámi joatkka­skuvllat servet dutkan­gilvui

Sámi joatkka­skuvllat servet dutkan­gilvui

-

-

Lea vuosttaš geardde go sámi joatkkaskuvllat servet Holbergprisen-dutkangilvvuide.

Dán skuvlajagi galget oahppit Sámi joatkkaskuvllas ja boazodoalloskuvllas ja Sámi joatkkaskuvllas Kárášjogas searvat nationála Holbergprisen-dutkangilvui. Oktiibuot servet Norggas lagabui 1000 oahppi dutkangilvui mii lea servvodatdiehtaga, humanetihkalaš, juridihkalaš ja teologiija fágasuorggis.

Dán jagi leat ollu skuvllat ohcan beassat searvat dutkangilvui ja 20 skuvlla leat válljejuvvon searvat. Lea vuosttaš geardde go sámi skuvllat leat mielde dan dutkangilvvus.

– Lea somá go dán jagi lea nu stuora girjáivuohta skuvllain, sihke geográfalaččat, skuvllaid dáfus ja fágaid dáfus. Mii, geat leat jurys, leat dál juo álgán illudit lohkat dutkanprošeavttaid mat galget addojuvvot sisa giđđat, dadjá Holbergprisen-dutkangilvvu skuvlla juryovddasteaddji Jørn Ljunggren.

Buot oahpaheaddjit, geat iežaset ohppiiguin galget bargat dutkanprošeavttain, galget deaivvadit Bergenis skábmamánu álggus. Dan maŋŋel galget Holbergprisen ovddasteaddjit mátkkoštit buot skuvllain ja deaivvadit ohppiiguin geat leat mielde prošeavttas. Dutkanprošeavttat galget gárvejuvvot ja sáddejuvvot Holbergprisen čállingoddái cuoŋománu 1. beaivvi boahtte jagi.

-Almmuhus-