-Almmuhus-
-Almmuhus-
-Almmuhus-
OĐĐASATSámi girkoráđđi suokkardallá máŋgga-oskkolašvuođa dialoga

Sámi girkoráđđi suokkardallá máŋgga-oskkolašvuođa dialoga

-

-

Sámi girkoráđđi ja Girkuidgaskasaš ráđđi váldet ovdan ságastallama máŋggaoskkolašvuođa birra Norggas.

Sámi girkoráđis lea ráđđečoahkkin čakčamánu 10.-11.b. Oslos, gos oassi čoahkkimis lea oktasaš čoahkkin Girkuidgaskasaš ráđiin, mii dikšu Norgga girku riikkaidgaskasaš oktavuođaid. Oktasaš čoahkkimis lea okta fáddá oskkuid deaivvadeapmi ja dialoga máŋggaoskkolašvuođas Norggas. Ášši guoskkaha makkár oainnut girkus leat sámi servvodaga árbevirolaš vuoiŋŋalašvuhtii, čállá Sámi Girkoráđđi preassadieđáhusas.

 

Sámi vuoigatvuođadilli

Norgga girku guovtti našunála orgánaid oktasaš čoahkkin meannuda maiddái sámi vuoigatvuođadili Norggas – gehččon Norgga girkku barggu ektui olmmošvuoigatvuođaiguin. Dát lea máŋga jagi leamaš okta Sámi girkoráđi váldoáššiin.

 

Sámi sálbmalávlun árbevirolaš musihkkan

Sámi girkoráđđi meannuda maiddái ášši sámi sálbmalávluma hárrái sierra árbevirolaš musihkkavuohkin. Dát árbevierru lea vuoimmehuvvamin, ja Sámi girkoráđđi ságastallá dárbbu bajidit dan árvvu sihke siskkobealde ja olggobealde girku.

Eará áššit Sámi girkoráđi áššelisttus leat láidesteamit ođđa girkoortnega ektui, gásttaliturgiija rievdadeapmi, liturgiijalaš musihkka, láidesteamit girkolaš doaimmahusaid dáfus guovvamánu 6.b. ja cealkámuš arvevuvddiid birra.

 

Sámegiel eahketipmilbálvalus Oslos

Vuosttas čoahkkinbeaivi lágiduvvo Sámi viesus Oslos, ja odne duorastateahkeda dii. 19.00 bovde Sámi girkoráđđi sámegiel-dárogiel eahketipmilbálvalussii Sofienberg girkui.

 

Loga maid: – Sápmelaččain solidaralaš ovddasvástádus

-Almmuhus-