Ruoŧa girku addá 250 000 ruvnno Sámi girkoeallimii.
Ulbmil doarjagiin lea čalmmustahttit sámi girkoeallima ja sámi dáidaga Ruoŧa girkus. Lea Sámi girkoráđđi mii lea ovddidan dárbbu oažžut doarjaga Ruoŧa girkui. Sin ságadoalli Erik-Oscar Oscarsson háliida nannet sámi kultuvrra Ruoŧa girkus. Doarjja galga earret eará geavahuvvot sámi girkodáidagii ja girkomusihkkii.
– Sápmelaččat eai leat bálljo oidnon girkus, dan mii háliidit dál nannet, lohká Erik-Oscar Oscarsson, Sámi girkoráđi ságadoalli, Ruoŧa Sámeradioi.
Doarjja juolluduvvo earret eará Johkamohki, Čohkkirasa ja Herjedaelie searvegoddái.
