-Almmuhus-
VALÁŠTALLANSámi giehtafággadalli dolle Eurohpámeašttirgilvvuide

Sámi giehtafággadalli dolle Eurohpámeašttirgilvvuide

-

-

Sámi nieida, 26-jahkásaš Jonna Blind Klimpfjällas eret Västerbottena duoddaris, lea giehtafággádalli ja lea vuolgime Romaniai Eurohpámeašttirgilvvuide fággádit gieđaiguin.

– Mun vuolggán Bucurestii Romaniai ihttin maŋŋel go gearggan barggus ihkku, muitala Jonna Blind gii bargá ruovdemađiijas Ruoŧas. Son garrasit hárjehallan gieđaid, ja lea gearggus dollet gilvui.

 

Sáhttá šaddat ollu fággádit

Duorastaga lea vihkken ovdal gilvobeaivvi. Bearjadaga galget giehtafággádallat gurutgieđain ja lávvordaga ges olgešgieđain. Juohkehaš fággáda gitta vuoitá guktii dahje gitta lea finálas.

Finálas sáhttá šaddat ollu fággádallat, ja beassá fággádallat unnimus guktii jus ii mana nu bures.


26-jahkásaš sámi nieida, boazoeaiggát ja giehtafággádalli Jonna Blind. Priváhtagovva.

Buori vuoimmis gilvalit

– Mun lean buori vuoimmis juste dál. Ferte oaidnit makkár vuoimmis lean dan beaivvi go lea gilvu, muhto mus lea nanu jáhkku ahte manná bures, muitala Jonna Blind.

– Gievrramus gilvaleaddjit geaid vuostá fággádalan lea okta turkalaš ja nubbi Ukrainas eret. Ruošša fággádalli lea maid hui gievra, muhto in leat vel deaivan sin gilvvus, muitala Blind.

Giehtafággádallan

Gilvvus leat guovttis mielde geat leaba goabbat bealde beavddi. Gilvaleaddjit bidjaba gargŋila beavddi ala ja doallaba gilvaleaddji čorpmas. Mihttu lea bonjastit gilvaleaddji gieđa fámuiguin vai guoská beavdái. Dat gean giehta guoská beavdái lea vuoittáhallan.

 

Gilvvuid ja finálaid sáhttá geahččat streama bokte juohke beaivvi.

-Almmuhus-