TIFF Romssa internašunála filbmafestivála lea dál almmuhan filmmaid mat čájehuvvojit festiválas ođđajagemánus. Golbma sámi bagadalli leat válljejuvvon čájehit iežaset filmmaid festiválas.
Oanehisfilmmat ja dokumentárat mat gilvalit «Tromsøpalmen» bálkkašumis leat:
Elle Sofe Sara filbma – Ribadit
Márja Bål Nango filbma – Njuokčamat
Dasa lassin čájehuvvo Elle-Máijá Tailfeathers ja Kathleen Hepburn guhke filbma «The body remembers when the world broke open» Romssa filbmafestiválas.
Oktiibuot čájehuvvojit 130 filmma festiválas, ja 44 filmmas lea čanastupmi davviguovlluide.
Nu čállá Romssa internašunála filbmafestivála iežaset neahttasiiddus.
