-Almmuhus-
-Almmuhus-
-Almmuhus-
OĐĐASATSámi feasta riikka­lávddis

Sámi feasta riikka­lávddis

-

-

Riksscenenis lágiduvvojit dál čihččet jagi sámi čájálmasat, filmmat ja konsearttat sámi álbmotbeaivvi oktavuođas. 

Bearjadaga čájehit «Čiegus bálggis» -čájálmasa, mii lea seaguhus poehtalaš, politihkalaš teavsttas, akrobáhtalaš dánssas, luođis ja musihkas.

Lávvordaga diibmu 16. 00 čájehit Jikŋon 2- filmma olgočájálmassan, ja dát lea nuvttá buohkaide. 

Lávvordat eahkeda diibmu 20.00 álgá feastakonsearta masa Georg Buljo lea čohkken lávluid, musihkkáriid ja juigiid nugo Emma Elliane Oskal Valkeapää, Biret Ristin Sara, Lávre Johan Eira, Tore Brunborg (saksofovdna), Camilla Therese Karlsen (dánsa), Helge Harstad (bássa), Tom Rudi Torjussen (rumbbut), Per Willy Aaserud  (trompehta), Audun Notevarp Sandvoll (videodesign) ja Anwar Saab (videosisdoallu).

Sotnabeaivvi, guovvamánu 6.beaivvi lea Mánáidmeannu musihkkaprošeakta Riikkalávddis, mas lávlot Mihkku Laiti, Emma Elliane Oskal Valkeapää, Ronja-Katrin Larsen ja Ole Henrik Lifjell.

-Almmuhus-