Sámi Duodji Sámeduodjevuođđudus almmuha neahttagávppi ja buorida fálaldaga duojáriidda geat vuvdet gávppis, ja lasihit beasatlašvuođa kundariidda olles Ruoŧas.
– Mii leat movttegat ahte dán almmuheami čađa sáhttit buoridit duojáriid fálaldaga. Mii háliidat bargat ahte lea álki duojáriidda vuovdit iežaset gálvvuid, dadjá márkankoordináhtor Juhán Niila Stålka preassadieđáhusas.
Son dadjá ahte duojáriin de lea beare sáddet dujiid sin lusa, ja sii de ordnejit sihke govvideami, kundároktavuođa, márkanfievrrideami ja gálvofievrrideami.
– Don sáhtát dušše fokuseret duodjái. Mii sávvat ahte dát ovdáneapmi dagaha ahte duojárat vuovdigohtet eambbo gálvvuid ja ahte eanet duojárat vuovdigohtet gálvvuid, dadjá Stålka.
Sámi Duoji buvddas leat sámi duojárat ja designarat badjel logi jagi vuovdán iežaset dujiid. Buvda lea Johkamohkis.
