-Almmuhus-
-Almmuhus-
OĐĐASATSámi duodje- ja designmárkan oažžu ruhtalána

Sámi duodje- ja designmárkan oažžu ruhtalána

-

-

Sámediggi lea juolludan Romssa duodji ja fashionii 300 000 ruvnno  čalmmustahttit duoji ja sámi designa Romssas.

Romssa duodji ja fashion prošeakta lea Nina Casting & Costumes, Gáisi giellaguovddáža ja Duodjeinstituhta ovttasbargu. Ulbmil doaluin lea čalmmustahttit ja nannet márkanfievrrideami sámi duojis ja designas.

Váldoulbmil lea doallat stuorát sámi motačájeheami ja duodjemárkana golggotmánu 29. ja 30. beaivvi.

– Lea dehálaš ahte eambbogat fuomášit ja beroštišgohtet sámi duojis, sámi designas ja diehttalasat sámi kultuvrras, lohká sámediggeráđđi Hans Ole Eira (GB) preassadieđáhusas. Sámediggi juolluda 300 000 ruvdnosaš doarjaga prošektii. 

Sámedikki vuordámušat

Sámediggeráđis leat vuordámušat ahte dain doaluin de čalmmustahttet duoji ja ođđamállet sámi designa ja ulbmilin lea nannet dan suorggi.

– Oasálastin dain doaluin mielddisbuktá buoret márkanfievrrideami ja ovddida sámi ealáhusaid ovdáneami, lohká Eira.

Mote- ja duodjemárkan čađahuvvo seamma áigge go leat Sámi giellavahkkus doalut Romssas.

Ruhtadeapmi mearkkaša ollu

Romssa duodji ja fashion prošeaktajođiheaddji Nina Erdahl lea hui ilus go Sámediggi doarju prošeavtta.

 – Ruhtadeapmi mearkkaša ollu midjiide, vaikko prošeakta livččii čađahuvvon doarjaga haga, muhto dalle lei šaddat mealgat unnit go dál plánejuvvo, lohká Erdahl.  Son muitala ahte bivttasvierročájáhus lea Romssa ráđđeviesus ja duodjemárkanat leat Romssa kulturviesus. 

– Illudat sáhka, lohká Nina Erdahl. 

-Almmuhus-