Harstad Tidende lea ráhkadan sáddaga man almmuhit sin neahttasiiddus Sámi álbmotbeaivvi.
Sáddagis leat studioguossit, kultuvrralaš guoimmuheapmi ja reportášat viidát Mátta-Romssa guovllus. HT media čállá ahte olbmot besset oahpásmuvvat guovllu sámi historjái sáddagis, oaidnit movt beaivi ávvuduvvo ja oaidnit dearvvuođaid mat leat boahtán sáddagii.
Prográmmajođiheaddjit leaba HT redaktevra Kjell-Rune Henriksen ja Hege Bakken, gii lea Hársttáid guovvamánu 6. beaivvi lávdegotti miellahttu. Sátta gávdno eahkedis Harstad Tidende ruovttusiiddus, ja ovttasbargoguoimmit leat HT media, suohkaniid bealis Hárstták/Harstad, Giehtavuona/Kvæfjord, Dielddanuori/Tjeldsund, ja Várdobáiki sámi guovddáš, Márkomeannu ja earát.