Sihke Guovdageainnu ja Nordlys a-joavkkus leat čiekčit beassan mielde dán jagáš Team Finnmark spábbačiekčanjovkui, ja leat gergosat deaivvadit Álttá a-joavkkuin skábmamánu 5. beaivvi.
Sihke Guovdageainnu ja Nordlys a-joavkkus leat čiekčit beassan mielde dán jagáš Team Finnmark spábbačiekčanjovkui, ja leat gergosat deaivvadit Álttá a-joavkkuin skábmamánu 5. beaivvi.
Ovttasráđiid Finnmárkku spábbačiekčanbiiriin ja Alta IF:in lágida iFinnmark spábbačiekčanšovva skábmamánu 5. beaivvi. Čiekčan lea gaskal Álttá IF a-joavkku ja Team Finnmárkku.
3.- ja 4. divišuvnna čiekčit
Olbmot galge jienastit nominerejuvvon Finnmárkku spábbačiekčanjoavkkuid 3.- ja 4. divišuvnna čikčiid.
Guovdageainnu čiekči Roy Arild Rasmussen lea okta sis geat leat beassan Team Finnmárkku jovkui.
– Hui somá go mis lea beassan čiekči jovkui. Dasa lassin lea Nordlys čiekči, Jon Andreas Rognerud Eira, maid beassan jovkui, ja lea ge stuora gudni oažžut sámi čikčiid jovkui, lohká Guovdageainnu a-joavkku hárjeheaddji, Isak Ole Hætta, gii ieš lea nomineren čikčiid Team Finnmark jovkui.
(Ášši joatká gova vuolábealde)
Guovdageainnus sáhttet guokte čiekči
Roy Arild Rasmussen lea juo beassan jovkui, muhto Frank Ole Varsas lea maid vejolaš beassat.
Golbma čiekči ledje dássálaga maŋŋel jienasteami, ja galget jienastuvvot ođđasit, okta sis lei Frank Ole Vars, gii dássážii lea ožžon eanemus jienaid. Jienasteapmi bistá ihtážii.
– Mun sihke sávan ja jáhkán ahte Frank Ole beassá mielde, go son ánssáša dán. Hui somá oažžut min veteránaid mielde jovkui. Sihke Frank Ole ja Roy Arild leaba buorit ja hárjanan čiekčit, ja hui buorit ovdagovat min nuorra čikčiide, lohká Hætta.
Čiekčan lea skábmamánu 5. beaivvi Álttás, Finnmarkshallenis.