– Dan ferte váldit duođalažžan, dadjá Christian Eckhoff.
UiT Norgga árktalaš universitehta dutkit leat aiddobáliid almmuhan bohtosiid ovtta máilmmi stuorámus čuovvolandutkamis iešsorbmema ja iežas hávvudeami birra nuoraid gaskkas, ja movt dat váikkuha nuoraide go rávásmuvvet.
Sámi bártnit dieđihedje 2.5 geardde eanet iešsoardingeahččalemiid go dáža bártnit. Dutkanbohtosat eai čájet ahte lea erohus sámi nieiddaid ja rivgonieiddaid gaskkas.
– Lea dehálaš guorahallat vuđoleappot mii lea sivva dasa go raporterejuvvojit eanet iešsorbmengeahččaleamit sámi bártniid gaskkas. Dan ferte váldit duođalažžan, dadjá Uit Dearvvašvuođa dieđalaš fakultehta vuosttašamanuensii Christian Eckhoff.
