Sofia Jannok, Jon Henrik Fjällgren, Ola Stinnerbom ja Maxida Märak leat válljejuvvon čuojahit “Musik På Slottet” festiválas čakčamánus.
Sofia Jannok, Jon Henrik Fjällgren, Ola Stinnerbom ja Maxida Märak leat válljejuvvon čuojahit “Musik På Slottet” festiválas čakčamánus.
“Musik på Slottet” lea lágiduvvon juo badjel 40 jagi, ja lea riikka boarráseamos festivála. Dán jagi leat válljen loktet sápmelaččaid ja eará minoritehtaid dan lágideamis. Čakčamánu 9.-11.b čuojahit earret eará ruoŧabeali sámi artisttat Sofia Jannok, Jon Henrik Fjällgren, Ola Stinnerbom ja Maxida Märak gonagasa šloahtas Stockholmmas.
– Dán jagi leat čájálmasat ja konsearttat viđa našunála unnitlogu álbmogis. Mii leat hui rámis dainna, dadjá festiválajođiheaddji Anna Eklund – Tarantino SR Sápmái
Eklund-Tarantino čilge viidáseappot sidjiide ahte háliidit ovdanbuktit unnitlogu kultuvrraid go dat leat nu rikkis kultuvrrat mat leat riggudahttán maiddái ruoŧalaččaid kultuvrra.
“Musik På Slottet” lágiduvvo olles čakčamánu ja fállá maiddái musihka ja lávlagiid earret eará durtnusleagi meän-gillii ja románalaš artisttaid.
