Sámi artisttat oassálastet Suoma festiválain máddin
Ulla Pirttijärvi & Ulda rahpa Etno-Espa festivála Helssegis. Festivála ávvuda 30 jagi ja lea logi beaivásaš álbmot- ja máilmmi musihkkafestivála, guovdu Suoma oaivegávpoga Helssegis. Festivála álgá borgemánu vuosttaš beaivve ja buot konsearttat lea nuvttá.
Espa lávddi maŋimuš konsearttas fas juoigá John André Eira Gabba-joavkkuinis, borgemánu 10. beaivve.
Maiddái Meidän Festivaali mii álgá suoidnemánu 28. beaivvi, servet sámi artisttat.
Sámi ráp-artista Ailu Valle čuojaha ovttas DJ Uyarakqiin, ja juoigi Petra Biret Magga-Vars ja Pirita Näkkäläjärvi fas loahpaheaba festivála. Meidän festivaali lágiduvvo Uusimaas, Mátta Suomas, nu dieđiha Yle Sápmi iežaset neahttasiiddus.
