Sámi artisttat Midnattsrockii

Ikte almmuhii Midnattsrock vel njeallje artistta mat galget čuojahit boahtte geasi Leavnnjas. Golmmas sis leat sámi artisttat.

Artisttat Intrigue, Kevin Boine, Slincraze ja Klish (Jon Are Masternes) almmuhuvvo ikte, ja sii galget gaskaijarocka lávddi alde lávlut geasset.

– Mii leat sámi festivála. De lea dehálaš oažžut báikkálaš artisttaid lávdái, ja sin čájehit Midnattsrockas, lohká festiválahoavda Jon Arne Pettersen iFinnmark aviisii.

Son muitala maid ahte sis lea mihttu oažžut birrasiid 150 artistta festiválii. 2016:s ledje 135 artistta Midnattsrockas.

Midnattsrock lea ovdal juo almmuhan soames artisttaid, TNT, Julie Bergan, Lita Ford, DDE, Country Sisters, 2 Unlimited, Nazareth ja Souls Sister.

Festivála lágiduvvo Leavnnjas, suoidnemánu 6.-9. beaivvi.