Dán jagi leat sápmelaččat ja unnitálbmogat guđet čalmmustahttojit Šloahta-festiválas Ruoŧas.
Dán jagi leat sápmelaččat ja unnitálbmogat guđet čalmmustahttojit Šloahta-festiválas Ruoŧas.
Šloahta-festivála lea Ruoŧa boarráseamos festivála, ja lea lágiduvvon badjel 40 jagi. Festivála lágiduvvo Ruoŧa Šloahtas Stockholmas.
Dán jagi vuoruhuvvojit sápmelaččat ja eará unnitálbmogat dan festiválas, dan čállá sverigesradio.se
Earret eará galget Sofia Jannok, Jon Henrik Fjällgren ja Maxida Märak čuojahit doppe.
Govven: Nils Johan Vars (vuorkágovva)
Sámi váhkoloahppa
Sámi artisttaide lea várrejuvvon golbma beaivvi dan festiválas.
Bearjadaga čakčamánu 9. beaivvi galgá vuos Ola Stinnerbom lávddi ala. Lávvordaga čakčamánu 10. beaivvi fas Sofia Jannok. Ovdal go sotnabeaivvi loahpaheaba Maxida Märak ja Jon Henrik Fjällgren sámi váhkoloahpa.
Muđui bistá festivála olles čakčamánu, ja doppe galget earret eará suopmelaččat Durdnosávžžis ja Romani artistat guoimmuhit.
Dáppe sáhtát geahččat prográmma.
