Marja Mortensson lea ovttas Kringkastingsorkesteriin nammaduvvon Spellemann-bálkkašupmái jagi 2021 ovddas.
Marja Mortensson ja Daniel Herskedal leaba ovttas Kringkastingsorkesteriin bádden skearru «Raajroe – The Reindeer Caravan». Skearru speadjalastá árbbi sámiid njálmmálaš muitalanárbevierus. Dál leat nammaduvvon árbevirolaš musihka kategoriijas.
– Lea juoidá go iežas suorgi atná du árvvus, nu go spellemann-nammadeapmi lea. «Raajroe» lea prošeakta mii lea dehálaš midjiide máŋggaid vugiid mielde, ja dalle lea earenoamáš buorre go bargoustibat dan čalmmustahttet, muitala Daniel Herskedal.
