Su váibmoáššin badjel 30 jagi lea leamaš áimmahuššat sámi árbevieruid ja seailluhit sámegiela. 2014:s Fálesnuori suohkan geigii sutnje kulturbálkkašumi su 30 jagi rahčama sámegiela seailluheami ovddas. Odne eahket oažžu son gudnebálkkašumi RiddoDuottarMuseaid stivrras Kárášjogas.
Su váibmoáššin badjel 30 jagi lea leamaš áimmahuššat sámi árbevieruid ja seailluhit sámegiela. 2014:s Fálesnuori suohkan geigii sutnje kulturbálkkašumi su 30 jagi rahčama sámegiela seailluheami ovddas. Odne eahket oažžu son gudnebálkkašumi RiddoDuottarMuseaid stivrras Kárášjogas.
Lei Sámiid Vuorká-Dávvir vuođđudusa eaiggátstivra mii evttohii Ingarii bálkkašumi.
Jođiheaddji Hjalmar Strømeng muitala sin bealis lei čielga ovttaoaivilvuohta Ingarii evttohit bálkkašumi.
Ollu áiggi bidjan museii
– Ingar Eira lea olu jagiid bidjan musealaš ovdánahttinbargguide áiggi ja son leamašan museaid ovttastahttima rájes juo guovddážis musea doaimmain. Erenomážit Jáhkovuona mearrasámi musea vuođđudeamis ja háhkama Nillá-dálu museii. Sus lea maid leamašan čađat buorre gulahallan buohkaiguin, čilge Hjalmar Strømeng preassadieđáhusas.
Ingara váibmoáššin badjel 30 jagi lea leamaš áimmahuššat sámi árbevieruid ja seailluhit sámegiela. 2014:s Fálesnuori suohkan geigii sutnje kulturbálkkašumi su 30 jagi rahčama sámegiela seailluheami ovddas.
Son lea leamašan guovddážis earret eará
• Ásaheamis Jáhkovuona Sámiid Searvvi 1983:s, mii čohkkegođii dieđuid ja dávviriid musea ásaheami ulbmiliin.
• 1991:s lei son vuot guovddážis, álggaheamen Jáhkovuona museasearvvi.
• 1991:s mielde vuođđudeamen Jáhkovuona mearrasámi musea.
• 2005:s Sámediggi nammadii su Sámiid Vuorká-Dávviriid stivralahttun.
• 2006:s jotkkii RDM-stivralahttun gitta 2014 rádjái.
• 2014 rájes leamašan ja lea ain RiddoDuottarMuseaid stivrra várrelahttun.
• 1980 rájes dálážii leamašan sus olu politihkalaš- ja eará stivrra luohttámušdoaimmat.
RDM-gudnebálkkašupmi geigejuvvo Ingar Eirai vuossárgga skábmamánu 28. beaivvi dii. 20:00, Scandic Hoteallas Kárášjogas.
Ingar Eira oažžu odne 7 500 ruvdnosaš mátkestipeandda ja diploma.
Ledje oktiibuot čieža evttohusa maid RDM-museaid eaiggádat ja gullevaš museasearvvit ovdanbukte RDM-stivrii.