-Almmuhus-
-Almmuhus-
SMÁVVAOĐĐASATSámi almmái semifinálii 800 m viehkamis MM-gilvvuin USA:s

Sámi almmái semifinálii 800 m viehkamis MM-gilvvuin USA:s

Journalista

-

-

800 mehtera viehkamis lei Andreas Kramer njunnošis go ledje viehkan 400 mehtera. Das maŋŋá nordadii muhtin su eret viehkanbánas nu ahte bázahalai. Dattetge beassá son 800 mehtera MM semifinálii. 

EUGENE: 51,47 lei áigi man Andreas Kramer geavahii vuosttaš oasis 800 mehteris. Go nordaduvvui eret viehkanbánas, de okta nubbi viegai su meattá go ledje viehkan 600 mehtera. 

– Lei muhtin gii nordadii mu eret viehkanbánas, nu ahte dulbmon olggobeallái ja manahin leavttu. Dovden mus lei buorre vuoibmi ja lihkkus nagodin doalahit dohkálaš saji, muitala Kramer SVT.se. 

Son muitala son balai ahte ii beasa joatkit viehkangilvvu go duolmmastii olggobeallái viehkanbána. Viimmat iđii almmolaš boađus diehtogalbii «q» (quolified) ja Kramer beassá viehkat 800 mehtera MM-semifinálas.

– Geahpehii, muhto in duostta áibbas dasa jáhkkit. Ferten moadde tiimmu velá vuordit ovdalgo duosttan dasa luohtit, lohká Kramer.

Amerihkálaš Jonas Koech ii beasa joatkit viehkama, iige su viehkanáigi dohkkehuvvon. Kanadalaš Marco Arop lei Kramer viehkanvuoru falimus, iige ádjánan go 1.44,56 svt.se

Andreas Kramer lea riegádan 1997:s. Su áhkku lea guovdageaidnulaš Ellen Marit Sara, náitalan Hollevik, ja ássá Øvre Årdal báikkis, Vestlánddas. Su nieida, Anne Lise Hollevik, náitalan Kramer, ássaba isidiin Sävedalenis olggobealde Göteborg gávpoga, Ruoŧas. Anne Lise lei maid hirbmat falli viehkat nuorran.

-Almmuhus-