Oktiibuot vihtta studeantta leat ohcan duodjeohppui mii álggahuvvo mánnodaga.
Dán čavčča álggahuvvo ođđa ovttasbargu gaskal Sámi allaskuvlla ja Aajege – sámi giella- ja kulturguovddáža. Sámi allaskuvla fállá dál oahpahusa Lulli-Sámi duojis, Lulli-Sámi guovllus. Oahpahus čađahuvvo Plassje joatkkaskuvllas.
– Lulli-Sámi duodji lea gáhttenárvosaš fága ja lea mávssolaš ahte oahpahus čađahuvvo Lulli-Sámi guovllus. Dát lea veahkkin ealáskahttit Lulli-Sámi giella- ja kultuvrra, čállá Trööndelage fylkasuohkan preassadieđáhusas.
