Suoidnemánu 18. beaivvi gitta suoidnemánu 23. beaivái lágiduvvo dán geasi Arctic North Geassekonferánsa njealját geardde Lákšjogas.
Konferánsa dáhpáhuvvá stuorra tealttás Arild ja Ragnhild Måsø šiljus, Deatnogáttis, 38 km Deanušalddis Kárášjoga guvlui.
Konferánssa fáddán lea álgoálbmogat ja Israel.
Oktiibuot konferánsii vurdojuvvojit sullii 500 oassálastti Sámieatnamis, Suomas, Norggas, Ruoŧas, Ruoššas, Ruonáeatnamis ja Amerihkás.
Konferánssa čoakkalmasat dulkojuvvojit sáme-, suoma-, dáro-, eaŋgalaš- ja ruoššagillii.
Čuojaheaddjit leat Viktor Richkov Band Ruoššas, Linda Laukkonen Kokkolas Suomas ja Zacharias Fjellander Ålandas.
Sámegielat joavku Friddja lea vejolaš gullat lávvardaga 22. beaivvi suoidnemánus diibmu guđa rájes.
Mánáide lágiduvvo sierrá prográmma gaskavahkkus bearjadahkii diibmu 12:30 rájes.
Konferánssa lágideaddji lea Sámi Álgoálbmot Risttalaš Guovddáš ja jođiheaddjit leaba Arild ja Ragnhild Måsø.
