Sámerádio doaimmaheaddji, Jörgen Heikki, oaččui Ruoŧa Rádio dan jágáš giellabálkkašumi.
– Dat lei erenoamáš dovdu, go in leat vuordán dakkár bálkkašumi, ja goasii healkkehin go ožžon dieđu. Muhto mun lean dieđus ge hui ilus ja hui miháš maiddái, lohká Jörgen Heikki Sámerádio sáddagis.
Jörgen Heikki lea álggii Sámerádio doaimmaheaddji 1990-logu gaskkamuttus. Sámegiella lei amas giella sutnje go álggii bargui.
Ruoŧa Rádio juryjoavku ákkastalai čuovvovaččat go mearridii addit giellabálkkašumi Heikkii.
– Son jođaša unnitlogugielaid, rádio ja gárttaid rájiid rastá ja ovttastahttá sátnegirjji sániid njálmmálaš árbevieruiguin – áŋgiris ja ođasmahtti ovdagovva ja movttiidahtti áiton giela ruovttoluotta váldi.
Sámerádio doaimmaheaddji lei ilus gullat dakkár sániid.
– Doaivumis sáhtán leahkit ovdagovvan daidda geat rahčet giela ovddas barggus ja árgabeaivvis, lohká Jörgen Heikki sáddagis.
