Suoma kulturruhtarájus lea Sámemuseavuođđudussii addán mearkkašahtti doarjaga mainna besset vuođđočájáhusaid ođasmahttit.
Sámemuseavuođđudus lea ožžon Suoma kulturruhtarádjosis 400 000 euro Museovisio veahkkeruđaid vai besset čájáhusaid kulturosiid ođasmahttit.
Sámemusea ođasmahttinfitnus sámedáiddárat ráhkadit vuođđočájáhusaid ja olgomuseii atmosfearačájáhusgiehtačállosa iežaset dulkojumiid vuođul.
Doarjja guovtti doibmii
Sámemusea ja luondduguovddáža Siidda olles bušeahtta lea sullii 2,5 miljovnna euro. Sámemusea lea ožžon čájáhusaid kulturoassái dan veahkkeruđa Suoma Kulturruhtarájus, Kone foanddas ja Wihuri foanddas ja lea oktiibuot 750 000 euro. Musea oassi čájáhusbušeahtas lea bealli.
Luondduguovddáš lea ožžon iežas oassái veahkkeruđa Birasministeriijas.
Bargu guoská Siidda viiddidan- ja divodanbargui, ja ollašuhtto jagiin 2020-2022.
