Deaivvadit jeavddalaččat juogadit dieđuid, ságaškuššat ja meannudit sámi áššiid maidda lea oktasaš beroštupmi.
Sámeministariin ja sámediggepresideanttain lea davviriikkalaš čoahkkin Lundenis, Drottninggatan 4:s, Stockholmmas, gaskavahku ođđajagimánu 18. beaivvi. Nu čállá Norgga Sámediggeráđđi preassadieđáhusas.
Sámediggepresideanta Silje Karine Muotka searvá čoahkkimii ovttas Ruoŧa beale sámediggepresideanttain Håkan Jonssoniin ja Suoma beale sámediggepresideanttain Tuomas Aslak Juusoin.
Sámediggepresideanttain ja ministariin geain lea ovddasvástádus sámi áššiin Norggas, Suomas ja Ruoŧas leat leamaš fásta jahkásaš čoahkkimat ja ovttasbargu jagi 2000 rájes.
Ministarat ja sámediggepresideanttat deaivvadit jeavddalaččat juogadit dieđuid, ságaškuššat ja meannudit sámi áššiid maidda lea oktasaš beroštupmi.
Ovttasbarggu ulbmil lea nannet ja ovddidit sámi álbmoga giela, kultuvrra, ealáhusaid ja servodateallima.
Ministtar- ja presideantačoahkkima áššelistu:
1. Davviriikkalaš sámi giellabálkkašumi – gollegiela geigen
2. Davviriikkalaš sámekonvenšuvdna
3. Rasisma sápmelaččaid vuostá
4. Sámegiella digitála birrasiin
5. Sámi olbmobázahusaid ja dávviriid máhcaheapmi
6. Dálkkádatrievdan ja dálkkádatheiveheapmi sámi ealáhusaide
