Dat boahtá ovdan “Sámi logut muitalit” girjjis man almmuhit jo gávccát geardde duorastaga Álttás.
Dat boahtá ovdan “Sámi logut muitalit” girjjis man almmuhit jo gávccát geardde duorastaga Álttás.
Dán jagi artihkalčoakkáldaga váldofáddán lea oahppu ja dutkan, čállá preassadieđáhusastis Sámediggi.
Ollu dutkit serve bargui.
Torkel Rasmussen Sámi allaskuvllas lea guorahallan ohppiidlogu ovdáneami sámegielas vuosttaš- ja nubbigiellan vuođđoskuvllas. Tom Granseth ohppiid čađagolgan joatkkaoahpahusas sámi guovlluin. Kevin Johansen geahčada gáiddusoahpahusa geavaheami sámegielaoahpaheamis logi maŋimus jagis. Lene Antonsen lea čállán artihkkala giellaguovddážiid rávesolbmuidoahpahusa birra sámegielas. Kari Mortensen lea geahčadan plánaid, juolludemiid ja bohtosiid dutkanráđiid 40 jagi áŋgiruššama oktavuođas sámi dutkamiin. Tore Johnsen čállá sámegiela geavaheami rievdama birra Norgga girkus. Magritt Brustad ja Torill H. Lauritsen leaba geahčadan bátnedearvvašvuođa ja bátnedoavttirdávjodaga Finnmárkkus ja sámi guovlluin.
Juohke Sámi logut muitalit almmuhusas lea maid čoahkkeartihkal iešguđet fáttáid birra vai sáhttá čuovvut rievdadusaid máŋgga servodatsuorggis.
Lea mielde loktemin máhtu sámi dilálašvuođaid birra
– Sámi statistihkaid fágalaš guorahallanjoavku almmuha jahkásaš raprotta sámi statistihkain. Dát girji lea ráiddu Sámi logut muitalit gávccát girji. Vuosttaš almmuhuvvui 2008:s. Raporta galgá leat mielde loktemin dan máhtu maid ráđđehus ja Sámediggi sáhttet geavahit sámepolitihkalaš barggus, sihke konsultašuvnnain, bušeahttaráhkkanemiin ja doaibmabidjoovddideamis, čállá preassadieđáhusastis Sámediggi.
