Suomabeale sámegielddaid váldostivrraid lahtuid gaskamearálaš ahki lea badjelaš 50 jagi.
Suomabeale sámegielddaid váldostivrraid lahtuid gaskamearálaš ahki lea badjelaš 50 jagi.
Sámi gielddaid váldostivrraide válljejuvvon lahtuid gaskaahki lea 50-54 jagi, čállá Yle Sápmi.
Sámegielddaid nuoramus válljejuvvon lahtu lea 18-jahkásaš Santeri Kirkkala Eanodagas ja boarráseamos lahttu lea fas 76-jahkásaš Antti Katekeetta Ohcejogas.
Anára gieldda váldostivrii válljejuvvon lahtuid gaskaahki lea 50 jagi.
Nuoramus válljejuvvon lahtu lea 21-jahkásaš Gurutbellodaga ovddasteaddji Maria Peltonen. Boarráseamos lahtu lea 73-jahkásaš Pekka Pekkala, guhte lea Guovddáža ovddasteaddji.
Válljejuvvon lahtuin albmát leat 41 % ja nissonat 59 %.
Gaskaahki badjelaš 50 jagi buot gielddain
Eanodaga gieldda váldostivrra lahtuid gaskaahki lea 51 jagi.
Válljejuvvon lahtuin nuoramus lea 18-jahkásaš Olgešbellodat Kokoomus ovddasteaddji Santeri Kirkkala, ja boarráseamos fas 66-jahkásaš Guovddáža ovddasteaddji Ulla Keinovaara.
Eanodaga gieldda váldostivrii válljejuvvon lahtuin 47 % leat albmát ja 53 % leat nissonat.
Soađegili gieldda váldostivrra ođđa lahtuid gaskaahki lea 54 jagi. Nuoramus lahtu lea 22-jahkásaš Riikka Karppinen, guhte ovddasta Ruonáid.
Boarráseamos válljejuvvon lahtu lea 70-jahkásaš Risto Niemi, guhte ovddasta Guovddáža. Váldostivrii válljejuvvon lahtuin 63 % leat albmát ja nissonat fas 37 %.
Ohcejoga gieldda váldostivrii válljejuvvon lahtuid gaskaahki lea 52 jagi.
Nuoramus válljejuvvon lahtu lea Sosiálademokráhtaid 25-jahkásaš Anni Koivisto, ja boarráseamos fas 76-jahkásaš Guovddáža ovddasteaddji Antti Katekeetta. Váldostivrii válljejuvvon lahtuin 73 % leat albmát ja 27 % nissonat.