-Almmuhus-
-Almmuhus-
-Almmuhus-
OĐĐASATSámegiel šilttat šávihan davvin

Sámegiel šilttat šávihan davvin

-

-

180 ođđa sámegiel-šiltta leat ceggejuvvon miehtá Davvi-Norgga.

Stáda geaidnodoaimmahat lea ovdal meaddán ja  boastut dulkon báikenamaid njuolggadusaid, muhto maŋemus jagi leat rievdadan dili. Preassadieđáhusas čállet sii ahte sullii 180 ođđa šiltta leat dál miehta Davvi-Norgga sámegillii. Viđalogi šilttas lea maiddái kvenagiella.

– Namat gal eai leat ođđasat. Dat leat álo leamaš das, muhto eai leat oaidnimis leamaš álbmogii. Oassin das lea dáruiduhttin. Danne lean mun ilus go Stáda geaidnodoaimmahat sáhttá njulget meaddima ja čalmmustahttit dán dehálaš oasi min identitehtas, dadjá Stáda geaidnodoaimmahaga guovlluhoavda Turid Stubø Johnsen preassadieđáhusas.

Vihtta giela

Eanas šilttat leat báikkiin gos ovdalaččas lea dušše dárogiel-namma oidnon, muhto leat bidjan ođđa šilttaid gos sámegiel-namma lea lasihuvvon. Buot dat golbma almmolaš sámegiela ovddastuvvojit, čuožžu preassadieđáhusas.

Čieža báikki leat ožžon almmolaš lullisámegielnama, earret eará Aarborten (Hattfjelldal dárogillii) ja Mussere (Mosjøen). 

Eambbo šilttat lea boađi boađi dane go vurdet dassá go dohkkehuvvojit namat dahje go fertejit giđđii vuordit.

-Almmuhus-