Riebangárdi lea sierra sámegielat ossodat Goržži mánáidgárddis Olmmáivákkis Gáivuonas. Muhto sámegiella ii leat goitge beaivválaš giellan mánáidgárdeossodagas.
Riebangárdi lea sierra sámegielat ossodat Goržži mánáidgárddis Olmmáivákkis Gáivuonas. Muhto sámegiella ii leat goitge beaivválaš giellan mánáidgárdeossodagas.
Gáivuona suohkana boahttevaš guovttegielatvuođaplánas (2018-2020) ávžžuhit ráhkadit plána movt sámegiela dahkat beaivválaš giellan Riebangárddi mánáidgárdeossodagas Olmmáivákkis.
Árvalit ásahit sierra mánáidgárdin
Gulaskuddamis árvalit ge dan ásahit sierra mánáidgárdin vai oččoše sámegiela adnot čađat ja buot oktavuođain mánáidgárddis.
– Bargit berrejit oažžut oahpu nanu giellalávgunmodeallain. Giellabargu lea okta mánáidgárddi deháleamos bargguin, ja go hupmet sámegiela mánáidgárddis, ožžot mánát nanu vuođu ovddidit iežaset sámegiela, čállet gulaskuddamis.