Norgga Sámediggi sádde dál gulaskuddamii čállosa; Sámedikki cealkámušat ođđa oahpahusláhkii, mas bivdet oainnuid makkár rolla oahpahuslágas galgá sámi oahpahusas.
NOU 2019: 23 gulaskuddamat leat dehálaččat Sámediggái ja Máhttodepartementii barggadettiin boahttevaš gulaskuddanárvalusain. Sámediggi čađaha sierra gulaskuddama dainna go háliidivččii oahpahusláhkaárvalussii cealkámušaid sámi oahpahusa aktevrrain. Dat attášedje Sámediggeráđđái buoret vuođu viidásat prosessii departemeanttain, dainna mihttomeriin ahte nannet sámi ohppiid oahpahusvuoigatvuođaid, čuožžu preassadieđáhusas.
Sámedikki gulaskuddančállosis bivdit gulaskuddanjearaldagaide vástádusaid man láhkai sámi oahpahusa sáhtášii buoredit, rekrutterema oahpahussii, man láhkái sáhtášii gielddaid hástalusaid čoavdit sámi oahpahusa ja makkár rolla oahpahuslágas galgá leat sámi oahpahusas. Sámediggi jearrá maiddái ahte galggašii go Sámedikkis leat eanet váldi sámi skuvllaid eaiggátvuođa badjelasas váldimis.
Sámediggi háliida sámi aktevrraid cealkámušaid čakčamánu 1. beaivái 2020.
2021 giđa lea Máhttodepartemeanttas áigumuš sáddet gulaskuddančállosa gos ođđa oahpahusláhka árvaluvvo.
