Sámediggi lea sádden oassádallandearvvuođa báhččon olbmuid oapmahaččaide ja doarjaga bonju birrasiidda.
– Min jurdagat ja miehtemiella manná dál dan guovtti báhččon olbmo oapmahaččaide ja ustibiidda geat masse iežaset ráhkkása Oslo guovddážis. Min jurdagat mannet maid sidjiide geat leat garrasit hávváduvvan ja buohkaide geat vásihedje dan dramatihka maid báhčin dagahii, čállá sámediggepresideanta Silje Karine Muotka preassadieđáhusas mannan lávvardaga, geassemánu 25. beaivvi, iđida ja lasiha:
– Dát falleheapmi lei sihke surgat ja dramáhtalaš ja jáhkkimis váikkuha olusiid. Erenoamážit sidjiide geat ledje márkanis ávvudeamen ráhkisvuođa, friijavuođa ja eallima.
Doarjaga LHBTQI birrasii
Sámediggepresideanta Muotka sádde doarjaga ja fámu olles LHBTQI birrasii. Son lohká dušše dáistaleapmi beassat ráhkistit gean háliida ja leahkit dan maid háliida, – Ieš dat juo gáibida nu olu juohkehaččas.
– Lea hirbmat váivi geahččalit áddet dan vaši mii lea dan dagu duohken, muhto mii eat sáhte leat oktageardánat eatge galgga navdit buot lea buoret. Juohke beaivvi fertet mii joatkit ráhkisvuođa, searvadahttima, dohkkeheami, friijavuođa ja máŋggabealatvuođa áimmahuššama iežamet servodagas, čállá Muotka.
Mannan vuossárgga čájehii Sámi parlameanta iežas doarjaga go levgii Pride-leavggain Sámedikki šiljus Kárášjogas.
– Vaikko Pride-mielvážžin ii lágiduvvon Oslo odne (mannan lávvardaga), de fertet mii čájehit iežamet doarjaga iežamet vuogi mielde, ii oktage berrešii leat okto, beroškeahttá gos mii ássat Norggas, joatká Muotka. Sámediggepresideanta sádde doarjaga buohkaide geat ellet balus čájehit iežaset identitehta, ja son ávžžuha min buohkaid čájehit eanet dohkkeheami ja rabasvuođa.
– Mii fertet áddet ahte ráhkisvuohta lea buohkaid várás, lohká sámediggepresideanta Silje Karine Muotka.
