Suoma Sámedikki váidá Suoma Alimus hálddahusrievtti mearrádusas Ovttastuvvan Našuvnnaid olmmošvuoigatvuođalávdegoddái. Álmmuhii Sámedikki stivra iežas cealkámušastis ikte.
Suoma Sámedikki váidá Suoma Alimus hálddahusrievtti mearrádusas Ovttastuvvan Našuvnnaid olmmošvuoigatvuođalávdegoddái. Álmmuhii Sámedikki stivra iežas cealkámušastis ikte.
Suoma Alimus hálddahusriekti dohkkehii manan gaskavahku 93 ođđa olbmo sámedikki válgajienastuslohkui sámedikki dáhtu vuostá.
Sámediggi cealká, ahte alimus hálddahusriekti lea mearrádusaiguin rihko sápmelaččaid eamiálbmotvuoigatvuođaid.
– Alimus hálddahusrievtti mearridanlinnjá rihko sápmelaččaid eamiálbmotvuoigatvuođaid, erenoamážit eamiálbmogiid iešmearridanvuoigatvuođa.
Loga maid: – Unnán diehtu áššis
– Alimus hálddahusrievtti mearrádusat maid čájehit, ahte Suoma stáhta rihko doaimmainis sámedikki kultuvrralaš iešstivrejumi, mii dasa Suoma vuođđolága mielde gullá, cealká sámedikki stivra dieđáhusastis.
Ávžžuhit jienastit
Sámedikki stivra ávžžuha buohkaid jienastit sotnabeaivve 4. beaivvi golggotmánu 2015. Stivra bivdá buot sápmelaččaid, geat eai leat vuos jienastan, geavahit jienastanvuoigatvuođas.
– Sámeálbmot galgá dál ovttastahttit fámuidis. Suoma stáhta lea fas rihkkon riikkaidgaskasaš geatnegasvuođaidis sápmelaččaide. Sámeálbmot ii galgga dohkkehit dan. Jienastemiin sámeálbmot oažžu dáhtus čađa ja doarju dan barggu, man váras sámediggi lea vuođđuduvvon, sámediggi cealká cealkámušastis.
