Sámediggi geige ráđđehussii 12. boahtteáiggi raportta Ruoŧa beale sámegielaid dili birra. Nu mo ovdalis lea daddjon, de leat ain váilivuođat oahpahusvuogádagas mat čuhcet mánáid ja nuoraid vejolašvuhtii oahppat ja ovdánahttit iežaset sámegiela. Ođđa giellaguovddážat leat buorit ođđasat.
Sámi giellaguovddáš deattuha dán jagáš ovdánahttinraporttas ahte ráđđehus lea nannen unnitlogupolitihka dán jagi. Ruhtajuolludanlasiheapmi lea dahkan vejolažžan rahpat giellaguovddážiid Davvi-Sámi ja Julevsámi/Bihtánsámi giellaguovllus. Ovdal lei dušše sámi giellaguovddáš Deartnás ja Staares.
– Ráđđehus lea dáhtton Sámedikki jođihit giellabarggu ja ovdánahttit gielaid nu ahte daid árvu lassána ja ahte birgegohtet buorebut servodagas, lohká Sámedikki giellalávdegotti jođiheaddji Ulla -Karin Sarri preassadieđáhusas.
Oahpahusdilálalašvuohta
Sámediggi lea moanat gerddiid muittuhan ahte oahpahus lea okta daid dehálamos vugiin nannet ja ovdánahttit sámegielaid. Dán jagáš boahtteáiggi raporttas evttoha Sámediggi ráđđehussii maid galggašii bargat gáhttet ja seailluhit sámegielaid ja dan birra lea Sámediggi gulahallan departemeanttain. Sámi giellaguovddáš dieđiha ahte manná muhtin áigi ovdal go sámi váhnemat ožžot oahpahusmolssaeavttuid nu ahte sámi mánát ja oahppit ožžot nu buori sámegieloahpu skuvllas ahte ohppet njuovžilit dan hállat.
Rájáidrasttildeaddji raporta
Raporta geassá maid ovdan ahte rájárasttildeaddji giellaovttasbargu gaskal Norgga, Ruoŧa ja Suoma beale sámedikkiin maid sisttisdoallá giellastandardiseren, gielladikšu ja Giellavahku lea golbma jagi lágiduvvon. Dehálaš ovttasbargosuorgi lea maid riikkaidgaskasaš eamiálbmotlogijagi áigodat IDIL 2022–2032, mii galggašii ovdánahttit sámi gielaid fáttáin, nu go giellateknologiija ja mánáid ja nuoraid giella.
– Rájárasttildeaddji giellaovttasbargu nannešii sámegielhálliid giellageavaheami rastá riikarájáid, lohká Sámi giellaguovddáža bagadalli Ingegerd Vannar.