RuoktotOĐĐASATSámediggi doarju miljovdnabeliin su dáiddastudio ásaheami

Sámediggi doarju miljovdnabeliin su dáiddastudio ásaheami

-

-

Sámediggi doarju ovtta dálá dovdoseamos sámi dáiddáriin go son áigu ásahit alcces sierra dáiddastudio.

Measta miljovdnabeale beaškalit beavdái vai Saras galgá buoret dilli iežas dáidagiin bargat.
Sámediggi čállá preassadieđus ahte Dáiddár Máret Ánne Sara Guovdageainnus dahká stuorra ja gáibideaddji dáiddabuktagiid, ja son vásiha maiddái ahte ollugat jearahit su bargguid. Sámediggeráđđi juolluda 490 000 ruvnno dáiddárii dáiddastudio ásaheapmái.»

warning: No Render Function for type [image02] expect [render_image02]

Dáiddalaš friddjavuođa

– Dáiddastudio attášii Máret Ánne Sarai stuorát dáiddalaš friiddjavuođa, go son de sáhttá bargat máŋggain ja stuorát prošeavttaiguin oktanaga ja dat sáhttá addit sutnje stuorát einnostanvejolašvuođa, dadjá sámediggeráđđi Silje Karine Muotka.

warning: No Render Function for type [mellom] expect [render_mellom]

Sii čállet viidáset ahte dáiddár Máret Ánne Sara háliida dáiddastudioin profešunaliseret ja beavttálmahttit iežas fitnodaga ja buvttadeami. Sara kundárat 
leat Nationálamusea rájes priváhta aktevrraide miehtá máilmmi.»
Sámediggi oaivvilda ahte Sápmi dárbbaša eanet gánnáhahtti ja gievrras aktevrraid hutkás ealáhusa siskkobealde, maid Máret Ánne Sara ovddasta.»
– Mun lean ilus go mii Sámediggeráđi bealis sáhttit leat mielde dán ovdáneamis joksan dihtii mihttomeari. Dasto lea hui gelddolaš čuovvut mielde Máret Ánne Sara ja su fitnodaga, dadjá sámediggeráđđi Silje Karine Muotka.

Dárbbaša saji

Máret Anne Sara ieš muitala ahte sus lea mihttu hukset dáiddastudio Guovdageidnui. Son muitala ahte son lea dárbbašišgoahtán eambbo saji gos iežas dáidaga beassá hábmet ja bargat dainna.
– Jurdda lea ahte huksen stuorabuš «garáša» iežan vissui gitta. Mihttu lea oažžut vistti gos lea allat dáhkkái ja gos mun čágan iežan daidagiin bargat. Dáiddadálus, gos mun dál lean, ii leat eambbo kantuvra ja dat lea áigá bearehaga unnon munnje, lohká son.
Fárret go Dáiddadálus olggos de go iežat studio oaččut?
– In! Doppe lea nu buorre dáiddabiras, ja mii dego veahkkálaga ovdanáhttit nubbi nuppi bargguid. Doppe doalahan iežan kantuvrra nu guhká go lea vejolaš, lohká son.
Oasáš investeremis
Sara muitala ahte vaikke son dál lea ožžon lahka miljovdnabeale Sámedikkis, mii sutnje lea hui illusáhka, de dat lea dušše oassi dan investeremis mii lea vuordagis.
– Mun lean ohcan doarjagiid eará sajiin maid, nu Sámedikki doarjja lea hui mávssolaš oassi mu investeremis, go dat muitala sihke munnje ja earáide, ahte Sámediggi atna árvvus mu barggu ja sis lea jáhkku munnje. Liikká dat ii govčča eambbo oasi das maid gártá máksit ođđa studio, muitala son.

Nils Johan Vars
nilsjohan@avvir.no

Must Read

Gáibidan reasta­luvvama

0
Guokte bargi Sámi ođasmagasiinnas leaba stevdnen ovddeš bargosaji diggái. Maŋŋebárgga, suoidnemánu 5. beaivvi, meannuduvvui konkursagáibádus Sis- ja Nuorta-Finnmárkku diggegottis. Leigga guokte bargi Sámi ođasmagasiinnas, dahje Isámi....