-Almmuhus-
-Almmuhus-
SMÁVVAOĐĐASATSáme­diggi dáhttu áican­stáhtusa eanandoallo­šiehttadallamiin

Sáme­diggi dáhttu áican­stáhtusa eanandoallo­šiehttadallamiin

-

-

Sámedikkis ja Norgga Boanddaidsearvvis lei ikte jahkásaš čoahkkin Guovdageainnus.

Čoahkkimis digaštallui mo nannet ovttasbarggu ja mo čoavdit áššiid gokko leat guovtteoaivilis. Dat guoská erenoamážit iešguđetge beroštumiid riidduide, sihke báikkálaččat ja regionála dásis.

– Guohtunriidduid eastadeapmi ja go bohccot guhtot gittiid lei maid okta fáddá, čállá Sámediggi Facebookas.

Soabadan

Sámedikki politihkalaš ráđđeaddi Anne Torill Eriksen Balto (Gb) ovddidii Sámedikki cealkámuša eanandoallošiehtadussii mas fuomášuhttet fuones gánnáhahttivuođa eanadoalus. Balto lohká ahte lea dehálaš jahkásaš dialogačoahkkimiin ja ovttas gávdnat oktasaš čovdosiid dálá hástalusaide.

– Čoahkkimis soabaimet nannet eanandoalu ja borramušbuvttadeami olles riikkas, lohká Anne Torill Eriksen Balto. Sámediggi dáhtui maid áicanstáhtusa jahkásaš eanandoallošiehtadallamiin.

Dehálaš ovttasbarggat

– Deháleamos lea ahte mii ovttas barget boraspirehálddašemiin, erenoamážit goaskin- ja geatkehálddašemiin. Dasa lassin lea dehálaš nannet mo geavahit eastadeaddji doarjagiid gaskal eanandoalu ja boazodoalu, lohká Norgga Boanddaidsearvvi generálačálli, Sigrid Hjørnegård.

-Almmuhus-