-Almmuhus-
-Almmuhus-
-Almmuhus-
OĐĐASAT– Sámediggi berre leat láhkamearrideaddji

– Sámediggi berre leat láhkamearrideaddji

-

-

Sámedikki presideanta áigu ahte sámediggi galgá láhkamearridanválddi oažžut, ja dat galgá sohppojuvvot sámekonvenšuvdnii oassin.

Sámekonferánsas logaldallui sámekonvenšuvnna birra, ja dainna čuožžilii digaštallan maŋŋel.

Norgga Sámedikki presideanta, Vibeke Larsen, loktii bajás Ávviris guovddaš gažaldaga sámekonvenšuvnnas, nammalassi iešmearrideami.

 

Mearridit

Son dajai Ávvirii ahte sámediggi berre oažžut láhkamearridanválddi, seamma mii dál lea Stuoradikkis.
– Mii fertet várra oažžut láhkamearridanválddi, nugo oahpahuslága ja boazodoalu dáfus. Dat gusket midjiide nu čielgasit ahte iešmearrideapmi ii boađe jus mii ieža eat beasa maid lágaid mearridit mat váikkuhit min eallima, lohká Larsen.

 

– Ii bat konsultašuvdnaortnet eiseválddiiguin leat juo doarvái?
Lea stuora erohus konsultašuvnnas ja ieža lágaid mearridit ja heivehit. Konsultašuvdna ii leat eambbo gulahallat ja geahččalit ovttaoaivilvuođa olihit. Jus ii, de leat goit eiseválddit geahččalan. Láhkamearrideapmi lea dat duođai iešmearrideapmi, lohká son.

-Almmuhus-