Sámediggeválggaid mandáhtajuogus rievdánu ahte Davvi guovllu ja Viesttarmeara válgabiiret ožžot ovtta mandáhta eanet boahtte sámediggeválggain mannan válggaid ektui. Nuortaguovllu ja Gáisi válgabiiret masset goabbáge ovtta mandáhta. Eará válgabiirriid mandáhtat eai rievdda.
Sámediggeválggaid mandáhtajuogus rievdánu ahte Davvi guovllu ja Viesttarmeara válgabiiret ožžot ovtta mandáhta eanet boahtte sámediggeválggain mannan válggaid ektui. Nuortaguovllu ja Gáisi válgabiiret masset goabbáge ovtta mandáhta. Eará válgabiirriid mandáhtat eai rievdda.
Sámediggeválggaid mandáhtajuogus rievdá 2017:s nu ahte Davvi guovllu ja Viesttarmeara válgabiiret ožžot ovtta mandáhta eanet boahtte sámediggeválggain 2017:s jagi 2013 válggaid ektui.
– Nuortaguovllu ja Gáisi válgabiiret masset goabbáge ovtta mandáhta. Eará válgabiirriid mandáhtat eai rievdda, čállá Sámediggi preassadieđáhusastis.
Dát rievdadusat bohtet Sámedikki jienastuslogu geahčadeamis geassemánu 30. b. 2015 nammii, sámediggeválggaid láhkaásahusa paragráfii 67a dávistettiin. Rievdadusat mandáhtajuogus bohtet dan geažil go jienastuslohkui čálihuvvomiid lohku lea rievdan maŋimuš válggaid rájes.
Sámediggeválggain válljejuvvojit oktiibuot 39 mandáhta mat juohkásit 7 válgabiirii. Buot válgabiirret galget oažžut unnimusat 2 mandáhta, oktiibuot 14 mandáhta. Loahppa 25 mandáhta juogaduvvojit gorálaččat dađi mielde man ollu olbmot válgabiirriin leat jienastuslogus geassemánu 30. b. nammii dan jagi goas ledje maŋimuš gielda- ja fylkadiggeválggat.
